AlgérieNewsالڨوّال...

الڨوّال…أبدا عمري ما نزيد نتلفت لورايـــــا

من الملحون ما يداوي، ومن الشعر الشعبي ما يسائل، و من أبيات شعر متناثرة عبر الأزمنة ما يدهش، ما يبهر… يحدث أن تنفذ الكلمات عندك، فتبحر في بحور الأشعار الماضية باحثا عن ما يشفي غليل الأيّام. تهزّك أحرف الشعر هزّا، و ترجّك الكلمات رجّا، و تخضّك الأبيات خضّا…فتغلق ماضيك الجميل على حاضرك المقيت و قادمك المريب

الڨوّال
’’
أبدا عمري
ما نزيد نتلفت لورايـــــا…‘’

فيصل شريف

من الملحون ما يداوي، ومن الشعر الشعبي ما يسائل، و من أبيات شعر متناثرة عبر الأزمنة ما يدهش، ما يبهريحدث أن تنفذ الكلمات عندك، فتبحر في بحور الأشعار الماضية باحثا عن ما يشفي غليل الأيّام. تهزّك أحرف الشعر هزّا، و ترجّك الكلمات رجّا، و تخضّك الأبيات خضّافتغلق ماضيك الجميل على حاضرك المقيت و قادمك المريب

=======================
اه…على الدهر خانني وقطــــع لأسباب
أيام السرور كي لمنام للي راها
الدهر يدور على الورى ما ليه حراب
مادام العبد تمتعت عينو بضياها
دوام الملك للمولى عاتق لرقــاب
تبقى دنية الغرور لمولاهـــا

أبدا عمري ما نزيد نتلفت لورايـــــا
الماضي راني غلقت بابو وقضيت عليه
امضات احوالو كلها حتى للنهايـــــة
ما باقي فالبال غير راحة بعد هواليـه
كي اللي شي ماصار بقات قصاتو غير حكاية
اطفات شموعو وطاح ليل النسيان عليه
الماضي راني غلقت بابو وقضيت عليه

أقضيت على أهل الخدع والرشوة والشفاية
بياعين القرد ويضحكوا على من يشريه
وإذا حقك كان باين يسطع كي لمرايــا
القاضي بشطارتو يغمو ويغطيـــه
يحطم المظلوم ويزيد للظالم عنايـــــة
غاب الحق والباطل أنتصر وقوات اماليه
الماضي راني غلقت بابو وقضيت عليه

من الفعل المذموم طال ضري وكثر شكايا
فعل الخير لا من يسومو ولا من يشريــه
والقاضي يبغي المال ويحب الهدايـــا
وإلا ما عندكش روح شوف وين تبات الهيه
الرجوع إليك يا خالقي يا مولايـــا
الحق دايم يعلى ولا يعلى عليــــــه
الماضي راني غلقت بابو وقضيت عليه

هاذ الدنيا كلها في مسرح روايــة
كل واحد فيها يمثل دورو رغما عليه
والغافل خليه راقد في غفلة وسهايـا
إذا طال الحال لا بد حسابو يصفيـه
أفهم قولي يا لبيب وافهم رقة معنايا
اللي ترهنو غير بيعو ما تندمش عليه
الماضي راني غلقت بابو وقضيت عليه

Montrer plus
Erreur, aucun identifiant de pub n'a été mis! Vérifiez votre syntaxe.

Articles Liés

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.

Bouton retour en haut de la page
Fermer
Fermer
%d blogueurs aiment cette page :